الرجاء من الجميع الدخول

[W A F I]

بسم الله الرحمن الرحيم

السلام عليكم ورحمة الله وبركاتة


كيف الحال احبائي اعضاء وزوار ملاك جيب

اليووم جت في بالي فكره لعل وعسى ان تنفعنا وتنفع وتصب في صالح المنتدى

الا وهي :

اعلان عن منتدى ملاك جيب يعني كل واحد من الاعضاء يسوي اللي يقدر عليه يعلم ربعه واللي عنده قرووب جيب يقولهم
ما نقصر مع بعض نبي نكون يد بيد على نشر سمعت المنتدى لا شك ان فيه ناس ما درت عن المنتدى ولو دروا بيفرحون
لذالك وش رايكم نقوم كلنا بــ نشر المنتدى بين الاخوان وعشاااق J E E P
ولكي يستفيد من الموقع اكبر عدد ممكن

وياليت اذا كان فيه افكار حلوة و جميله تساعدنا على تنمية سمعة المنتدى تفيدوننا بها

تقبلوا فائق تحياتي واحترامي
اخوووكم w a f i

[عاشــق Jeep]

ابشر والله يالغالي انا كلي فداء الجيب وش لنا غيره ان شاء الله بحاول اسوي اللي اقدر عليه بأذن الله


وانا من رايي فيه فكره حلوة يعني اللي مشترك بمنتدى او شي كذا ينزل صور عليها من مركز تحميل حق


ملاك جيب وهذي فكره حلوة لكن اهم شي نفس الموقع ما يرفض الصووورة


تحياتي

[W A F I]

عاشــق Jeep حياك الله

نور الموضوع

وفكرة اكثر من رائعة

ننتظر الاخوان

[ملهماوي (811)]

يعطيكم العافيه أخ وافي و الاخوان جميعا على هذا المنتدى الأكثر من رائع و بأذن الله راح نحاول نوصله لأكبر شريحه لملاك جيب بجميع انواعه و لا راح نحمل ان شاء الله اي صوره الا من المنتدى عشان يطلع الشعار و الرابط___

[طــــــــــلال]

فكرة جميله ولو نبلغ الاخوه اصحاب الـ j e e p من الخارج اللي مايدخلون النت ونعلمهم بالموقع من خلال علاقاتنا الإجتماعيه ولو بالرسائل الخاصه عن طريق الجوال من مختلف الاعمار

اشكرك على هذا التنويه ياخوي الوافي والشباب هنا على كيفك يد وحده في كل شي

تحياتي لك ،،،

[سيراا]

يعطيك العافيه فكره حلوه يابطل:showoff:

[راعي الأولة]

فكرتك طيبه يا مديرنا/ الوافي
أنا ملاحظ أو ما شفت أحد من عندنا بالشرقية
ودي بشعار أو أعلان مصمم نطبعه أو نقدر نرسله إيميل

و يعطيك العافية

[AL-GHANEM]

كل واحد يشخبط على جدران الحارة يكتب رابط المنتدي احسن حل
وانا بشتري 3كراتين بخاخ بوزعه لكم:wavetowel2:

[W A F I]

حياكم الله جميعا

والله العظيم وسعتوا صدري

كفو والله ,, وان شاء الله يصير من اكبر المواقع

وكل اصحاب الجيب يكونون متواجدين معنا

ونكون يد واسرةة واحدة


بيض الله وجيهكم على التفاعل الاكثر من رائع

[فيصل]

.


انا عن نفسي من أول ما عرفت عن هالمنتدى ارسلت ايميل لكل الي عندي على الماسنجر و على ايميل الدوام

و بقول لكم شي مدري اذا يجوز لكم ولا لأ عندي كم فكره كذا ودي نسويها خاصه لو صار عددنا اكثر شوي

مثلاُ :

1- ودي نتجمع كلنا بمكان و نوقف جمب بعض بمكان خالي من السكان و الازعاج و نحط لوح بسيطه

نسوي مظاهره بعدد الملاك ضك الوكاله و نصورها و ارسلها للشركه الأم فيها كل تعليقاتنا

<<< شرير :biggrin:

2- طبعا الجو بدأ يتعدل شوي و نصير نخطط لطلعات حلوه لأماكن غريبه و أماكن حلوه مو شرط يكون فيها بس رمال و طعوس

و في عندي افكار غيرها كثير بس علموني وش رأيكم يا أخواني و الأعضاء و الأداره الغاليه


.

[W A F I]

فيصل الف الف شكر لك لوتفاعلك وحماسك ,,,

وان شاء الله جيمع الافكار راح نسويها بأذن الله

[OIIIIIIIO]

عندي فكره جيده وراح تفيد المنتدى

راح نستفيد منها كثيرا نسوي دعايه عن طريق اليوتيوب ونشكل فيديو محترم وحماسي ويجذب الناس
بس كل الي محتاجه صور سيارات اعضاء منتديات تطعيس وراح اسوي فيها مونتاج قصير وراح تشوفون فكرت الفيديو بعد ما انتهي منه

ملاحظه \\ الي يبغى يشارك بصوره موتره في الفيديو يرسلها لي على الخاص وتكون مرفعه على المنتدى عشان يطلع عليها الشعار
وما يكون عليها اي عنوان لمنتدى اخر
واتمنى تكون الصور واضحه وصافيه

[W A F I]

Oiiiiiiio الله يعطيك الف عافية

فكرة قوية وراح تجلب اعضاء

الله يعطيك العافية

[جنتل_مان]

الفكره وصلة شباب وجاري العمل فيها وما أعتقد في أحد راح يقصر أن شاء الله محبي الجيب دايما فوووووق

[W A F I]

بيض الله وجيهكم ,,

[ابورغد]

صباح الخير
وعيدكم مبارك
أنا معك اخو الوافي ويعطيك ألف ألف عافيه على نشاطك المستمر
ومن رايي انه يكون فيه تجمعات أيام الخميس من كل إسبوع في الثمامه وتكون فيه لوحه قريبه من التجمع عليها شعار منتدانا وعنوانه تكون بمثابة دعايه للمنتدى وصدقوني راح ينتشر المنتدى أسرع من البرق
وأنا من ناحيتي نفعني ذا المنتدى وأسعدني كثير وراح انشره لكل من اعرف .

[OIIIIIIIO]

وفي حركه حلوه في التجمعات
الي هي تصميم اعلام عليها شعار الموقع وتعلق في السياره بالاريل وراح يطلع شكل القروب له هيبته مع الاعلام

مثل كذا

http://www.wedigpig.org/trey/2008/Jeep%20w%20Skull%20Flag.jpg

او
http://image.off-roadweb.com/f/9775211/0804or_03_z+imperial_sand_dunes_thanksgiving_calif ornia+lifted_jeep_pirate_flag.gif

لاحظ المنظر الي بالخلف وتخيل كلها اعلام موحده وعليها شعار الموقع ملاك جيب :biggrin:

:wink:

[W A F I]

والله افكار خيال ببيض الله وجيهكم

على المرور والحماس الرائع

[احلى مزاج]

والله افكار حلوه


وانا بعد عندي فكره


مثلا وسط ايام الاسبوع بعضهم ما يقدر يروح الثمامه او يستبعدها

نوقف بشكل جماعي في احد شوارع الدوران المعروفه لكل واحد في منطقته ( السويدي يتجمعون في شارع البجادي او شارع تسالي ) ( الريان شارع التربيه ) .. الخ

واللي برا الرياض يعرف وين فيه شارع الدوران

بحيث تكون الشروكيات بجنب بعضها وبنفس الوقت دعايه للقروب :)

[شرواك]

ابشر بعزك اخوي مافيه احد اعرفه او مااعرف الابيكون عنده خبر عن القروب

[شروكي سبورت]

السلام عليكم جميعاً دون إستثناء والشكر للجميع والله العظيم ردودكم كلها هي الي تشجع كل واحد أنه يبتكر ويسوي العجائب لكي يرد لو بالشيئ البسيط للفائدة الكبرى التي استفتها من هذا المنتدى وفيه إحساس يراودني كلما دخلت على المنتدى وأكيد أنكم جميعاً قد مررتم بهذا الاحساس ادخل المنتدى كأنني داخل بين أصدقاء أعرفهم منذو القدم يعينون ويعاونون على خدمات بعضهم البعض فالشكر الجزيل لكم
وسوف أحاول بقصار جهدي على نشر هذا الموقع لتعم الفائدة أولاً ولأرد الشيئ البسيط مما تقدمونه
:7bteen:
تحياتي للجميع محدثكم أبونايف مراسلكم من جازان للموقع الأول لملاك جيب

[شيروكي مهجول]

ابشرررررررررررر..
راح نكون الراعين الاعلامين...:wavetowel2:

[E.M.S]

ابشر باللي نقدر عليه ان شاء الله

[ابو يوسف]

والله تبشر بعزك اخوي وافي بسوي ايمل وبرسله حق العيال كلهم زان شاء الله نستفاد

تحياتي للجميع

[ا س س 8090]

فكره رائعه وجميله وهذا الي راح نمشي عليه انشاء الله
والله يعطيك العافيه على موضوعك الرائع

[jeep1999]

يعطيك العافيه اخوي الوافي وانا اقترح اقتراح بسيط الا وهوا انه نفتح بنر للموقع في موقع حراج كوم وكثرة مرتادي الموقع وبنر في موقع تطعيس او المواقع الي فيها زي كذا

[HEMI]

ابشر بعزك اخوي w a f i ....
رح اسوي اللي اقدر عليه ...
انا عندي اخوياي يموتون فالشيروكي انشالله رح اخليه يدخلون المنتدى ....

[((أبورشيد))]

ابشر ياواافي ...

من عيوني انشاء الله اجيب اهل الرياض كلهم في المنتدى...:pirate2:


بس أخوي واافي اتمنى انك تسوي اعلان اللي يجي في المنتديات فوووق وكل منتدى تحط فيه اعلان

مثل منتدى(مكشات - تطعيس - دوران - عشان اللي يشوف الاعلان يجي للمنتدى<<اتمنى تكون فهمتني
:wavetowel2:

تقبل خالص تحياتي..أبورشيد

[jeep1999]

انا عن نفسي اقول لو كل عضو يركب شعار المنتدى بسياره هذي راح تكون اكبر شهره للموقع ...
هذي نقطه .. النقطه الثانيه ..
انا اقتر ح واحد من الاخوان يتبرع ويفرغ نفسه ساعه بس لمدة يوم واحد
وياخذ ستكر للموقع ويروح لمحلات الزينه الي يروحون لها الشباب كثير ويطلب من راعي المحل يلزقها
عنده في الباب .. حتى لو يعطيه فلوس مو مشكله وبكذا راح يمشي ... والله اعلم

[دمار سيهات]

ان شاء الله نبذل كل وسعنا

وللمعلومه انا اول ماجلست ادور في النت ولقيت الموقع ستانست

لان موقع مختص بلجيوب بس ضيق صدري عدد الاعضاء بس ان شاء الله يزيدون

مايهمكم...

[ابوعادل]

مشكووووووور

يالغالي

[ابو سلمان]

ابشر بعزك وان شاء الله تشووف الي يرضيك

[cherokee 04]

هلا بك يالوافي

والله أول شي أهنيك على الفكرة واللي مفروض من زمان معديين موضوع الافكار وبدينا بالتنفيذ
!!

أول شي في تقصير من ناحية الأعضاء
يعني لاحظ خمول وركود وتطنيش القسم الوحيد اللي شغال هو الصور .. يعني صاير كإنه منتدى بس للصور

كذا ما يصلح لازم كلنا يد وحدة ونساعد بكل شي

ثاني شي مشكلة كبيرة إنه تثير اهتمام الكثير .. لأنه أغلب سيارات جيب اللي بالشوارع الحين كلها جراند شيروكي ... واللي يعتبر شبه معدوم الحديث عنه بالمنتدى ،، والأغلبية كلها شيروكي 2001 وتحت حتى الشيروكي من الـ 2002 وطالع ماله حس

طبعا زي ما احنا عارفين كلها شيروكيات قديمه .. يعني اصلا عددها قليل ولا تنسى اغلب اللي يمتلكون هالسيارة هي سيارة ثانيه بالنسبه لهم .. يعني آخر شي ممكن يفكر فيه هو إنه يدخل منتدى يهتم بمثل هالسياره
ولو حب إنه يشارك بيشارك بس يا إما بصورة او انه يدور حل لخراب او مشكله بسيارته

عشان كذا المنتدى دايم في حالة ركود

خلونا يد وحدة وخلي المشرفين اللي والله ما ادري وينهم ونصهم ماله حس يهتم كل واحد بقسمه يهتم بالمواضيع وجودتها

بعد كذا بيصير حتى عابر طريق يخش على المنتدى بتعجبه شغلات فيه ويسجل ويستمر معانا حتى لو ما معاه جيب

يعني بيعجبه شي بقسم الاكسسوارات ، أو التعديل ، او الرحلات والكشتات ، او المواضيع العامة

وبعدها عاد في الف طريقة لنشر سمعة المنتدى

(( مو معقول تنشر اسم المنتدى .. واللي بيدخل بيلاقيه فاضي فاكيد ماراح يستمر ))

وطرق نشر الأسم كثيرة

:: منها ::
بانر على الفيس بوك
بانر على منتديات تطعيس ومكشات
فيديو دعيات على اليوتيوب .. يبين فيه التجمع والانشطه والفقرات اللي تصير بوسط التجمعات

مو تنزلوا فيديو كله سياره تطعس على تراب وتنوفر وماني عارف ايش او مثلا قروب ملاك جيب في العاذريه مثلا ويطلع التجمع بالاخر 3 او 4 سيارات

هذا ماصار تجمع ولا قروب هذا صار اجتهاد شخصي أو عيال حارة وحدة طالعين يوسعون صدورهم

وفي بعد طريقة (( وهذي من عندنا من الشركة نسويها ))

اللي هي الإشتراك بخدمة saudi where to go

خدمة متخصصة بالسوق والاخبار السعوديه

تشترك فيها وتجهز الاعلان اللي تبيه وكل شي بخاطرك وتعطيه للشركة يسووا فيه قائمة بريدية مكونة من 500,000 ايميل لايميلات hotmail و yahoo
مقابل 1000 ريال سعودي

وفي عندنا خدمة SMS اللي هي رسائل على الموبايل موبايلي أو جوال ...مقابل 10 هلالات للرسالة سواء البيانات من عندنا او من عندك

طبعا في الف طريقة عندنا

والشباب عطونا الف طريقة وطريقة اضافية

اتمنى الاستفادة للجميع

[- jeep -]

ابشر بعزك يالغلا

[ح ر ب 1 1 1]

فكرة حلوة وراح يعرفون المنتدي لان كذا واحد اساله مايعرفه والله لو مع الشعار تكتبون الرابط يكون وناسه وينعرف ولو تكتبون اعلانات عند كل محلات جيب من راي ولكم الخيار

[النشمي]

هلا بك يالوافي ومشكور على الفكره الحلوة انا عن نفسي اعرف 5 معهم شروكي بس مع الاسف مالهم في النت وهاذي مشكلتنا ملاك الجيب كثاار بس اغلبهم مايدخل النت وانا كنت من ظمنهم

[ابوالسهوم]

هلا والله اخوي وافي ...
فكرتك بصراحه المفروض تكون من زمان لكن الحكي في الماضي نقصان بالعقل ... أنا عندي فكره ... يصمم إستكر خاص بالقرووب .. تنزله على الموقع للي يبي يسحب صوره منه ... وفي اقرب تجمع للقروب ولازم يكون له إعلان قوي في جميع المنتديات وتأكدون على ضرورة الحضور وراح يكون فيه تسجيل اسماء الحضور وإعلانها عشان نعرف من المتفاعل واللي يهمه وضع الموقع وفي التجمع توزع كروت رسميه فيها أرقام جولات شباب من الأعضاء عندهم قابليه لإستقبال مكالمات الزوار وبكذا كل واحد يحضر التجمع يآخذ كميه ويوزعها وإذا الموضوع يحتاج دعم الشباب أكيد اكيد ماراح يقصرون وبرضوا لاننسى موضوع إستكر يحط على خلفية السياره فيه العنوان الإلكتروني .صغير مرتب .. وآسف على الإطاله

[WRANGLER 555]

بصراحه كل واحد فكرتة أحسن من الثاني
لكن أخلصو علينا أيش الخطه الي وقفتو عليها
تراي متحمسسسسسسسسس فيني قوة أجراااااااااام ولا ترى بروح لحالي وبسوي دعايه لموتري بس:7bteen:

[Jeeper]

هلا بك يالوافي

والله أول شي أهنيك على الفكرة واللي مفروض من زمان معديين موضوع الافكار وبدينا بالتنفيذ
!!

أول شي في تقصير من ناحية الأعضاء
يعني لاحظ خمول وركود وتطنيش القسم الوحيد اللي شغال هو الصور .. يعني صاير كإنه منتدى بس للصور

كذا ما يصلح لازم كلنا يد وحدة ونساعد بكل شي

ثاني شي مشكلة كبيرة إنه تثير اهتمام الكثير .. لأنه أغلب سيارات جيب اللي بالشوارع الحين كلها جراند شيروكي ... واللي يعتبر شبه معدوم الحديث عنه بالمنتدى ،، والأغلبية كلها شيروكي 2001 وتحت حتى الشيروكي من الـ 2002 وطالع ماله حس

طبعا زي ما احنا عارفين كلها شيروكيات قديمه .. يعني اصلا عددها قليل ولا تنسى اغلب اللي يمتلكون هالسيارة هي سيارة ثانيه بالنسبه لهم .. يعني آخر شي ممكن يفكر فيه هو إنه يدخل منتدى يهتم بمثل هالسياره
ولو حب إنه يشارك بيشارك بس يا إما بصورة او انه يدور حل لخراب او مشكله بسيارته

عشان كذا المنتدى دايم في حالة ركود

خلونا يد وحدة وخلي المشرفين اللي والله ما ادري وينهم ونصهم ماله حس يهتم كل واحد بقسمه يهتم بالمواضيع وجودتها

بعد كذا بيصير حتى عابر طريق يخش على المنتدى بتعجبه شغلات فيه ويسجل ويستمر معانا حتى لو ما معاه جيب

يعني بيعجبه شي بقسم الاكسسوارات ، أو التعديل ، او الرحلات والكشتات ، او المواضيع العامة

وبعدها عاد في الف طريقة لنشر سمعة المنتدى

(( مو معقول تنشر اسم المنتدى .. واللي بيدخل بيلاقيه فاضي فاكيد ماراح يستمر ))

وطرق نشر الأسم كثيرة

:: منها ::
بانر على الفيس بوك
بانر على منتديات تطعيس ومكشات
فيديو دعيات على اليوتيوب .. يبين فيه التجمع والانشطه والفقرات اللي تصير بوسط التجمعات

مو تنزلوا فيديو كله سياره تطعس على تراب وتنوفر وماني عارف ايش او مثلا قروب ملاك جيب في العاذريه مثلا ويطلع التجمع بالاخر 3 او 4 سيارات

هذا ماصار تجمع ولا قروب هذا صار اجتهاد شخصي أو عيال حارة وحدة طالعين يوسعون صدورهم

وفي بعد طريقة (( وهذي من عندنا من الشركة نسويها ))

اللي هي الإشتراك بخدمة saudi where to go

خدمة متخصصة بالسوق والاخبار السعوديه

تشترك فيها وتجهز الاعلان اللي تبيه وكل شي بخاطرك وتعطيه للشركة يسووا فيه قائمة بريدية مكونة من 500,000 ايميل لايميلات hotmail و yahoo
مقابل 1000 ريال سعودي

وفي عندنا خدمة sms اللي هي رسائل على الموبايل موبايلي أو جوال ...مقابل 10 هلالات للرسالة سواء البيانات من عندنا او من عندك

طبعا في الف طريقة عندنا

والشباب عطونا الف طريقة وطريقة اضافية

اتمنى الاستفادة للجميع

كلام سليم 100%

اخوي وافي ولايهونون الأعضاء ,الموقع لن ينتشر إذا مافيه اي فائده يعني الزائر إذا لم يجد أي معلومه أو خدمه مقدمه من او عن طريق المنتدى لن يأتي إليه مجددا .

فيه كلام كثيييييييييير بقوله لكن أترك التعليق لكم .