المساعد الشخصي الرقمي

مشاهدة النسخة كاملة : الشيروكي ينطفي وهو واقف!!

Areeb
09-17-2009, 07:52 PM
السلام عليكم ورحمة الله

الشيروكي اول ما اشغله اذا مادعست بنزين يطنفي على طول...ثم اشغله ويبتل مايطفي

لكن اذا دعست البنزين فجأة تحس استجابة الدعسة تتأخر شوي وينزل عداد الضغط ثم يرتفع

واغلب ماينطفي اذا كنت واقف وما دعست بنزين تشوف الـRPM يتذبذب يطلع وينزل ثم يطفا

وش المشكلة؟

وهل فيه طريقة اتأكد من الخلل عشان ما اصلح على الفاضي...

انا فحصت السيارة عند الوكالة المتحدة....لكن مابقي شيء في السيارة ماقالوا غيره...!

ومن ضمن الاشياء اللي طلبوا تغييرها حساس الكرنك...والكويل و Drive sensor SP-560

sensor cam 4.0L s-56 , SealPKG crank ... والقائمة تطووووول

واللي شككني في فحصهم انهم طلبوا تغيير كامل الزيوت و البواجي ، مع اني توني مغيرها !!

افيدونا مأجورين
فني الشروكيات
09-17-2009, 07:58 PM
الوكالة؟؟ :drive1:


لاعاد تطب عندهم مرة ثانية وانا اخوك..

المشكلة غالباً م ن حدا حساسات التروتل، نظفهن مايبيلهن شي..

وناظر ضغط الطرمبة بالساعة شي عليه،،

ولو اموتر قير عادي شيك على حساس الكرنك..
Areeb
09-17-2009, 08:10 PM
الوكالة؟؟ :drive1:


لاعاد تطب عندهم مرة ثانية وانا اخوك..

المشكلة غالباً م ن حدا حساسات التروتل، نظفهن مايبيلهن شي..

وناظر ضغط الطرمبة بالساعة شي عليه،،

ولو اموتر قير عادي شيك على حساس الكرنك..

الوكالة رحت لهم عشان سعرهم حلو وتوقعت عندهم امانة في الفحص...لكن طلعوا خرطي

حسبوا لي الفحص 140 ريال

الحساسات اللي حول الثروتل نظفتها كلها ببخاخ تنظيف الالكترونيات وما نفع...

تنظيفها ابخ عليها بس والا لازم ادخل شيء واخرش الحساس من داخل؟

وضغط الطرمبة ما شيكت عليه باقي...

والقير اوتو الله يسلمك

اذا فصلت البطارية وشبكتها يصير الموتر كنه وكالة لا يطفي ولا شيء

وعداد الـrpm ثاااابت...لكن حده يوم بالكثير ويرجع مثل ماكان!!

وحساس الكرنك هذا وينه وكيف افحصه؟

جزاك الله خير يابو أيوب على مشاركتك
شروكيOFF ROAD
09-17-2009, 10:33 PM
الثروتل مثبت باربع مسامير فكها ومثبت فيه 3افياش فكها و3اسلاك الابنص فكها

ويطلع معك برا

عادانفضه من داخل بالبخاخ وفصفصه على كيفك

طبعا قبل كل شي افصل اصبع البطاريه السالب

وفقك الله
Areeb
09-18-2009, 12:46 AM
الثروتل مثبت باربع مسامير فكها ومثبت فيه 3افياش فكها و3اسلاك الابنص فكها

ويطلع معك برا

عادانفضه من داخل بالبخاخ وفصفصه على كيفك

طبعا قبل كل شي افصل اصبع البطاريه السالب

وفقك الله

نضفت الثروتل بدي ولا فاد كذلك:rip:

يعطيك العافية على الافادة
شروكيOFF ROAD
09-18-2009, 01:38 AM
غير حساس الكرنك

وابوايوب وكرامه على الذمه تلقا عندهم مستعمل وماتطلع الاموترك زي الساعه

بالتوفيق
فني الشروكيات
09-18-2009, 03:51 AM
قد احد اشتغلك بالموتر كهرب قبل كذا، وهل الموتر عليه مراوح سوبارو، أو أي تعديل بالكهرب أو الدينمو؟؟
أبوطرق
09-18-2009, 05:04 AM
اخوي موب شرط اذا نظفت حساس الثروتل يضبط قد يكون عدمان

ولازم تغيير
شروكي ربع
09-18-2009, 06:06 AM
اتوقع البخاخات تحتاج تنظيف .
فيصل
09-18-2009, 02:34 PM
.

اممممم

انا مو خبير صراحه يا أخوان بس حبيت اعطي رأي

هالحركه كانت تصير لي بس مو بالجيب ، صارت لي مرتين بسيارات مختلفه

مره كانت المشكله انو طرمبه البنزين شبه مسدوده و المره الثانيه كانت المشكله بالبطاريه

والله اعلم

.
جنتل_مان
09-19-2009, 02:23 PM
أفادوك الشباب وما قصرو معاك المشكله عندك ف "الثروتل"
وليدالعنيزي
09-23-2009, 06:03 AM
شصار على الموتر ان شاءالله تسنع
Areeb
09-23-2009, 06:48 AM
شصار على الموتر ان شاءالله تسنع

لا والله باقي مافضيت له...تعرف عيد والذي منه..


شكرا على السؤال
آبـوخـآلد
09-25-2009, 09:54 PM
اخوي المشكله عندكـ من حساس الثروتل TBs حق الهواء غيره وبإذن الله يظبط
كرامه
09-27-2009, 04:14 AM
تاكد من ضغط الطرنبه البنزين .
او حساس tps ابو فيش ابيض هذا يقراء فولتات من الدعسه الى الكمبيوتر ثم تروح اوامر كمية الوف والون لبخاخات ويصير بعض المرات يوصل مرحله من الدعسة يقراء الدعسة كنك مادست بنزين.

وتاكد من وجه الثلاجه يمكن يصير فيه تنسيم.
Areeb
10-20-2009, 09:38 PM
الحمد ياشباب تم تصليح الخلل...:clap:

والشيروكي رجع لسابق عهده لا ينطفي وعداد الـ RPM ثابت ماشاء الله

اول شيء غيرت حساس TPS بجديد..ولكن للاسف ماتغير شيء ابد...

ورحت به عند فلبيني اعرفه من زمان...قال احتمال الخلل في الكويلات ..شيكت عليها؟

قلت لا والله ... فجاب لي كويل مستعمل وركبه ....وضبطت السيارة الحمد لله

طلعت المشكلة في احد الكويلات خربانه...

والحمد لله الذي بنعمته تتم الصالحات
abonorah
10-20-2009, 11:19 PM
الحمد لله على سلامة الموتر

والكويلات لي قصة معها

سلام
جنتل_مان
11-07-2009, 10:21 AM
الحمد ياشباب تم تصليح الخلل...:clap:

والشيروكي رجع لسابق عهده لا ينطفي وعداد الـ rpm ثابت ماشاء الله

اول شيء غيرت حساس tps بجديد..ولكن للاسف ماتغير شيء ابد...

ورحت به عند فلبيني اعرفه من زمان...قال احتمال الخلل في الكويلات ..شيكت عليها؟

قلت لا والله ... فجاب لي كويل مستعمل وركبه ....وضبطت السيارة الحمد لله

طلعت المشكلة في احد الكويلات خربانه...

والحمد لله الذي بنعمته تتم الصالحات



مبروووووووك صديقي تعلمنا درس من تجربتك الله يخليك يارب
شروكي 2001
02-28-2010, 11:45 PM
الكويلات لي قصه معاها انا أيضا

غيرتها ولا تغير شي .. كان عندي تفتفه وما راحت

زين إن الفلبيني خويك جاب لك مستعمل .. لأن خبري الجديد سعره 600 ريال

وكم سعر حساس ال tps .. والحمد لله على السلامه
يافع
08-02-2010, 07:28 AM
:wavetowel2:
أبوراكان
08-02-2010, 11:18 AM
<<< صار لي نفس المكشلة وغيرة الحساسات ولا ظبط :icon9:

في الاخير فحصت الطرمبة وصار منها اتمنى تشك على ظغط الطرمبة :surrender:
احلى مزاج
08-02-2010, 02:10 PM
شيك على طرمبه البنزين او على الصفايه ..

نفس معناتاي وصارت البلا من صفايه الطرمبة والطرمبه نفسها
jeep-srt8
08-02-2010, 02:43 PM
وراكم رافعين الموضوع ..عمره سنة ..ضروري ترجعوا الذكريات الفله للرجال :biggrin:
احلى مزاج
08-02-2010, 06:21 PM
وراكم رافعين الموضوع ..عمره سنة ..ضروري ترجعوا الذكريات الفله للرجال

هههههههههههههههههه
شفت الموضوع ورديت ولا انتبهت للتواريخ هههههههههههههههههههههه

عاد انت لا تدقق واجد :wink:
jeep-srt8
08-02-2010, 06:39 PM
^^

ههههههههههههههههههههههههههههههههههه مب مشكلة انت كذا اثبتت حسن نيتك:biggrin:
شروكي 2001
08-17-2010, 03:50 PM
ما في مشكله يرفع للفايده ولا