المساعد الشخصي الرقمي

مشاهدة النسخة كاملة : اسئلة الوزارة : رجة بالشيروكي وفيه كم استفسار؟

البنيون
10-01-2009, 04:47 PM
السلام عليكم

مساكم الله بالنور

الي بيرد يطول باله شوي ويشرب له شاهي عدني يمخمخ اخاف يصدع ويدعي علي :tongue:


بسم الله


عندي رجه بالشيروكي إذا هديت بسرعه
يعني اذا كنت امشي 120 او100 ومسكت فرامل يرج رجه قويه شوي !!

هل المشكله من مساعد الدركسون؟؟
مع انه ما يرج اذا كنت مهدي السرعه يعني امشي 80 او بعد المطبات الصناعيه !!


وهل المساعدات لهم دخل بالرجه ؟؟

مع العلم اني مركب مساعد الدركسون قبل 6 اشهر تقريباً مع مساعدات قدام ,,والمساعدات الخلفيه قبل سنه .

عمدان الاذرعه مشيك عليهم مافيهم مشكله يعني ما اعتقد الرجه منهم ..

والنفود ماعمري دخلته الى مره وحده العام لأن ارضنا حزوم وشعبان خخخ


سؤالي الثاني

قبل يومين شغلت موتري الصبح ومشيت عليه وانا بالطريق لاحظت ان الطبلون طافي بس (( عدادات السرعه والضغط )) والباقي شغال الحراره والزيت وامبير البطاريه ؟؟ وماحصلت الى مره وحده معي وبعده بدقايق ضبط ولا خرب مره ثانيه ؟؟


سؤالي الثالث

الكشافات الي قدام كل فتره احط معجون ويدخل الماء وصرت كل فتره افكهم وانضفهم ,,ورحت ادور كشافات وحصلت نوع (TY) سعره 50 ريال لكن ماينفع نفس الاول يدخله ماء :cry:

ابي كشافات ما يدخلهم ماء (للشيروكي نفس المقاس) لأني حصلت شي زين بس مايركب عريض
وش النوع الزين لو اصلي وكم سعره و وين احصله بعنيزه ؟؟


وفيه عندي الحراره اذا وقفت تكون تجت النص بشرطه وطفي السياره واذا رجعت بعد دقيقه اشغل تكون مرتفعه على النص ؟؟ الرديتر اردني وعليه مراوح سوبارو وحساس وبلف كابرس ...

سؤالي الرابع


الفقره الاولى:
بعض الاوقات الصبح اذا شغلت الموتر يرتفع امبير الضغط لفوق 2 ونص ويطلع صوت طق طق طق ثواني ويروح ؟؟ هل هو صوت السرندل ؟؟

الفقره الثانيه:

اذا شغلت الصبح رحت عند الشكمان بعد اقل ربع دقيقه يطلع هواء حار هل هو طبيعي او يدل انه فيه شي بالمكينه مع انه مافيه تهربات ابد الحمد لله والحراره طبيعيه ؟؟

الموتر شيروكي سعودي 98 4 ابواب

كثرت الاسئله لكن ترى مجمعهم من شهر :7bteen:

اقلب الورقه واكمل باقي الأسئله
<<< برااااا
ابو فـهـد
10-01-2009, 05:06 PM
السلام عليكم

مساكم الله بالنور

الي بيرد يطول باله شوي ويشرب له شاهي عدني يمخمخ اخاف يصدع ويدعي علي :tongue:


بسم الله


عندي رجه بالشيروكي إذا هديت بسرعه
يعني اذا كنت امشي 120 او100 ومسكت فرامل يرج رجه قويه شوي !!
اذا مع الفرامل احتمال الهوبات يبيلها خرط
هل المشكله من مساعد الدركسون؟؟
مع انه ما يرج اذا كنت مهدي السرعه يعني امشي 80 او بعد المطبات الصناعيه !!


وهل المساعدات لهم دخل بالرجه ؟؟
ماعندي علم بس اتوقع لا
مع العلم اني مركب مساعد الدركسون قبل 6 اشهر تقريباً مع مساعدات قدام ,,والمساعدات الخلفيه قبل سنه .

عمدان الاذرعه مشيك عليهم مافيهم مشكله يعني ما اعتقد الرجه منهم ..

والنفود ماعمري دخلته الى مره وحده العام لأن ارضنا حزوم وشعبان خخخ


سؤالي الثاني

قبل يومين شغلت موتري الصبح ومشيت عليه وانا بالطريق لاحظت ان الطبلون طافي بس (( عدادات السرعه والضغط )) والباقي شغال الحراره والزيت وامبير البطاريه ؟؟ وماحصلت الى مره وحده معي وبعده بدقايق ضبط ولا خرب مره ثانيه ؟؟
ماعندي علم
سؤالي الثالث

الكشافات الي قدام كل فتره احط معجون ويدخل الماء وصرت كل فتره افكهم وانضفهم ,,ورحت ادور كشافات وحصلت نوع (TY) سعره 50 ريال لكن ماينفع نفس الاول يدخله ماء :cry:
ماعندي كشافات واحب اسئلك انت مركبها ولا جت مع الوكاله وغيرت الكشافات انت بعد فتره لان موتري سبورت ولا جت معه كشافات بس فيه مكان كشافات هل مسلك له ؟
ابي كشافات ما يدخلهم ماء (للشيروكي نفس المقاس) لأني حصلت شي زين بس مايركب عريض
وش النوع الزين لو اصلي وكم سعره و وين احصله بعنيزه ؟؟

الي اعرفه كشافات هيلا كويسه بس مدري فيه لشروكي او لا
وفيه عندي الحراره اذا وقفت تكون تجت النص بشرطه وطفي السياره واذا رجعت بعد دقيقه اشغل تكون مرتفعه على النص ؟؟ الرديتر اردني وعليه مراوح سوبارو وحساس وبلف كابرس ...
اذا طفيت السياره فتره بسيطه وشغلتها وشفت الحراره مرتفعه
هذا يصير الما الي بالكوع عند الحساس حار وخذ له فتره بس انتضر اقل من دقيقه وتلقاه ترجع على الي كانت عليه
هذا الي اعرفه
سؤالي الرابع


الفقره الاولى:
بعض الاوقات الصبح اذا شغلت الموتر يرتفع امبير الضغط لفوق 2 ونص ويطلع صوت طق طق طق ثواني ويروح ؟؟ هل هو صوت السرندل ؟؟
ماعندي علم
الفقره الثانيه:

اذا شغلت الصبح رحت عند الشكمان بعد اقل ربع دقيقه يطلع هواء حار هل هو طبيعي او يدل انه فيه شي بالمكينه مع انه مافيه تهربات ابد الحمد لله والحراره طبيعيه ؟؟
ان شاء الله مافيها شي
الموتر شيروكي سعودي 98 4 ابواب

كثرت الاسئله لكن ترى مجمعهم من شهر :7bteen:

اقلب الورقه واكمل باقي الأسئله
<<< برااااا


والله يحيك معنى بالمنتدى:wavetowel2:
البنيون
10-01-2009, 05:21 PM
هلا بك ابو فهد


وتسلم على الردود يالغالي ماقصرت

وانتظر باقي الاخوان على الإجابه :wavetowel2:
jeep99
10-01-2009, 07:22 PM
بجاوبك على اللي اعرفه والشباب ما راح يقصرون بالباقي

بالنسبة للرجة اللي تقول احتمال سببين يالكفرات يبيلها ترصيص او الفحمات رايحه فيها وهو الإحتمال الأقوى
والباقي والله ماودي اتفلسف وتقول عني فيلسوف الدجة


وبالنسبة للكشافات حقت الوكالة غالية مرررررررررة

انا مركب صيني ولا احلى منها لأن واحد من حقات الوكالة (الأصلي) انكسرت القزازة حقته وغيرت الإثنين فيه في محلات الزينة كشافت حجمها مضبوط للشروكي تركبها من جوا يعني ماتكون على نفس الفتحة من برا لأنه بيطلع شكلها غبي شوي رح لأي كهربائي بس يكون فنان ويرهم لك لها قاعدة وضبط الأمور وكلها ب80 ريال الكشافات مع التركيب بس اهم شي ابعد من ابو يمن لأن شغلهم بربسه وحواق وعليك بالهندي عطيالله
احلى مزاج
10-01-2009, 11:26 PM
عندي رجه بالشيروكي إذا هديت بسرعه
يعني اذا كنت امشي 120 او100 ومسكت فرامل يرج رجه قويه شوي !!

هل المشكله من مساعد الدركسون؟؟
مع انه ما يرج اذا كنت مهدي السرعه يعني امشي 80 او بعد المطبات الصناعيه !!


وهل المساعدات لهم دخل بالرجه ؟؟

مع العلم اني مركب مساعد الدركسون قبل 6 اشهر تقريباً مع مساعدات قدام ,,والمساعدات الخلفيه قبل سنه .

عمدان الاذرعه مشيك عليهم مافيهم مشكله يعني ما اعتقد الرجه منهم ..

والنفود ماعمري دخلته الى مره وحده العام لأن ارضنا حزوم وشعبان خخخ


اخرط الهوبات وبتدعي لي :) واذا تبي تتاكد اذا قمت الصبح او اذا كان الموتر بارد المس الهوب بتحصل ( متعرج ) المفروض يكون مستوي ما فيه لا طعوج ولا حكوك



بعض الاوقات الصبح اذا شغلت الموتر يرتفع امبير الضغط لفوق 2 ونص ويطلع صوت طق طق طق ثواني ويروح ؟؟ هل هو صوت السرندل ؟؟

ممكن تكون من حساس tps اللي يتحكم في كميه الهوا الداخله الى المكينه

ارتفاع الضغط دايم معاك او بس اذا شغلته الصبح ؟


والباقي ما عندي خلفيه عنها والشباب فيهم الخير والبركه
احلى مزاج
10-01-2009, 11:36 PM
Jeep 99

بالنسبة للرجة اللي تقول احتمال سببين يالكفرات يبيلها ترصيص او الفحمات رايحه فيها وهو الإحتمال الأقوى

مو من الفحمات وانا اخوك لو كانت الفحمات هي المشكله كان تسمع صوت صرصره اذا ضغط فرامل واذا ما فيه فرامل مره مره تسمع صوت جرش حديد لان قاعد الفحمه تحك في الهوب
:)
البنيون
10-02-2009, 12:19 AM
هلا بك jeep99


بجاوبك على اللي اعرفه والشباب ما راح يقصرون بالباقي
تسلم يالغالي ماقصرت


بالنسبة للرجة اللي تقول احتمال سببين يالكفرات يبيلها ترصيص او الفحمات رايحه فيها وهو الإحتمال الأقوى
من ناحية الترصيص مرصص الكفرات قبل شهر تقريبا وما اظن انه ترصيص
والفحمات مغيرهم قبل شهرين بدون خرط هوب





وبالنسبة للكشافات حقت الوكالة غالية مرررررررررة

كم سعرهم ؟؟؟
وهل يدخلهم ماء ؟؟؟؟





انا مركب صيني ولا احلى منها لأن واحد من حقات الوكالة (الأصلي) انكسرت القزازة حقته وغيرت الإثنين فيه في محلات الزينة كشافت حجمها مضبوط للشروكي تركبها من جوا يعني ماتكون على نفس الفتحة من برا لأنه بيطلع شكلها غبي شوي رح لأي كهربائي بس يكون فنان ويرهم لك لها قاعدة وضبط الأمور وكلها ب80 ريال الكشافات مع التركيب بس اهم شي ابعد من ابو يمن لأن شغلهم بربسه وحواق وعليك بالهندي عطيالله

ياخي اذا كان شغل ترهيم والكشاف بيكون داخل ورى الصاجه بيطلع شكله غلط واخاف يطق بالي قدامه وينكسر :cry:
البنيون
10-02-2009, 12:26 AM
هلا بك احلى مزاج

اخرط الهوبات وبتدعي لي :) واذا تبي تتاكد اذا قمت الصبح او اذا كان الموتر بارد المس الهوب بتحصل ( متعرج ) المفروض يكون مستوي ما فيه لا طعوج ولا حكوك

فعلاً اليوم الصبح لمست الهوبات وحصلته كانه متعرجه لأني سمعت انه يمكن من الهوب لكن اكثر العالم قالو ماله دخل بس بجرب واخرطهم ..





ممكن تكون من حساس tps اللي يتحكم في كميه الهوا الداخله الى المكينه

ارتفاع الضغط دايم معاك او بس اذا شغلته الصبح ؟

والله احتمال من الحساس لأنه يلعب عندي يتحرك تحرك خفيف وبعض الاوقات تمسك معه ويعلق لكن افصله واشبكه ويضبط معي .

واذا اشتغل عندي المكيف الكمبروسر ما يرتفع عندي مثل العالم مع ان الكمبروسر يشبك ويفصل عادي ؟؟
وارتفاع الضغط تقدر تقول دايم معي لكن بداء يزيد معي بعد ما فكيت الثروتل ونظفته قبل فتره ..




والباقي ما عندي خلفيه عنها والشباب فيهم الخير والبركه

فيك الخير وماقصرت وبيض الله وجهك ياقليبي ..
احلى مزاج
10-02-2009, 01:46 AM
فعلاً اليوم الصبح لمست الهوبات وحصلته كانه متعرجه لأني سمعت انه يمكن من الهوب لكن اكثر العالم قالو ماله دخل بس بجرب واخرطهم ..

اللي قالو لك ماله دخل قلهم الله يستر عليكم ..


مني انا الرجه 90% من الهوبات دامها متعرجه واذا ضغطت فرامل فالفحمات ما تحصل سطح مستوي تحتك معاه عشان تخف السرعه

حتى تحتاج تغير الفحمات لانك لو بتلاحظها بتشوفها متعرجه نفس الشي لانها تتعرج بنفس التعرجات الموجوده في الهوب لانها تحتك بالتعرجات وما تحتك بسطح الهوب بشكل كامل

ان شاء الله فهمت كلامي :)

وبالنسبه للضغط اقترح عليك تغير الحساس وتريح راسك:)


يقولون يركب عليه حساس كابرس 2001 سعره 120 ريال

لكن عن نفسي فريت المحلات كلها حتى الوكاله لكن ما يطبق

ما ادري وش يقصدون هل يترهم او يركب على طول ما عندي اي خلفيه والله
jeep99
10-02-2009, 05:22 AM
الكشافات مركبهم لي حول 5 شهور ولا احلى منها لايدخل مويه ولا شي وياكثر ما غسلته ويا كثر ماطبيت في نقع موية ولا جاها شي ومن ناحية شكلها غلط نفس حقت الوكالة ما تركب على نفس الفتحة بل تركب ورى الصاجه البلاستيك اللي تحت الصدام واسم الكشافات والله مدري بس دخلت محل زينة وقمت اشيل من الكشافات لين ماحصلت اللي يضبط على الشروكي وبصورها لك عشان تقتنع من شكلها بس السيارة الحين موب حولي لكن بكرة بالكثير وانا منزلها لك تشوفها وزي ما قلت لك اهم شي شغل التركيب ولا تخاف ما راح تنكسر


ويأحلى مزاج ياحبيلك انا كنت اقصد الهوبات بس كتبت الفحمات (سديراوي ياحبك للتدقيق) وياحبي للسديراوية كلهم اولهم انا ولا يهونون باقي العضاء
البنيون
10-02-2009, 06:28 AM
اللي قالو لك ماله دخل قلهم الله يستر عليكم ..


مني انا الرجه 90% من الهوبات دامها متعرجه واذا ضغطت فرامل فالفحمات ما تحصل سطح مستوي تحتك معاه عشان تخف السرعه

حتى تحتاج تغير الفحمات لانك لو بتلاحظها بتشوفها متعرجه نفس الشي لانها تتعرج بنفس التعرجات الموجوده في الهوب لانها تحتك بالتعرجات وما تحتك بسطح الهوب بشكل كامل

ان شاء الله فهمت كلامي :)

وبالنسبه للضغط اقترح عليك تغير الحساس وتريح راسك:)


يقولون يركب عليه حساس كابرس 2001 سعره 120 ريال

لكن عن نفسي فريت المحلات كلها حتى الوكاله لكن ما يطبق

ما ادري وش يقصدون هل يترهم او يركب على طول ما عندي اي خلفيه والله


جزاك الله خير على الافادة والتأكيد وان شاء الله بضبطهم واعلمكم النتيجه .

والحساس ما ادري هو خربان ولا الفيش لأني اذا حركت الفيش يلعب امبير الضغط يعني تتغير الدعسه

لاعدمنا طلعتك يالغالي
البنيون
10-02-2009, 06:32 AM
jeep99

الكشافات مركبهم لي حول 5 شهور ولا احلى منها لايدخل مويه ولا شي وياكثر ما غسلته ويا كثر ماطبيت في نقع موية ولا جاها شي ومن ناحية شكلها غلط نفس حقت الوكالة ما تركب على نفس الفتحة بل تركب ورى الصاجه البلاستيك اللي تحت الصدام واسم الكشافات والله مدري بس دخلت محل زينة وقمت اشيل من الكشافات لين ماحصلت اللي يضبط على الشروكي وبصورها لك عشان تقتنع من شكلها بس السيارة الحين موب حولي لكن بكرة بالكثير وانا منزلها لك تشوفها وزي ما قلت لك اهم شي شغل التركيب ولا تخاف ما راح تنكسر

الله يجزاك خير وما قصرت يالغالي وانتظر الصورة إذا توفرة ..

عوافي
W A F I
10-02-2009, 02:30 PM
بشر عسى الشباب نجحوا في الاختبار ؟؟

ولا وصيك دفهم بالدرجات يستاهلون :clap:
jeep99
10-04-2009, 10:32 PM
http://up.arab-x.com/Sep09/9T380787.jpg (http://up.arab-x.com/)


هذي هي الصورة زي ما وعدتك وماعليش موب واضحة مرة بس احسن من لا شي وهذي راكبه من جوا والكشاف الأصلي حق الوكالة ب300 ريال الحبة

وحاولت ادور لك اسم الكشافات هذي بس ما لقيت مكتوب عليها شي بس اللي اتذكره ان لون الكرتون اسود واحمر وتلقاها في اغلب محلات الزينة

بس اهم شي ركب لمبات اصلية عشان تريح وعندك osram كرتونها ابيض وعليه خط برتقالي وصناعتها المانية بس تأكد تر في تقليد منها اقراء الشمعة نفسها
البنيون
10-05-2009, 01:44 PM
بشر عسى الشباب نجحوا في الاختبار ؟؟

ولا وصيك دفهم بالدرجات يستاهلون :clap:


ههههههههه

ياخوي وافي احس انك تصلح مدير تدريب مهني :biggrin:
ما ادري ليش يمكن علشانك دايم تهتم وتطب بكل موضوع خخخ :7bteen:


لا ما شاء الله جيدين وفيهم الخير والبركه ويبيضون الوجه ياحبيلهم كلهم :wavetowel2:
البنيون
10-05-2009, 01:47 PM
http://up.arab-x.com/Sep09/9T380787.jpg (http://up.arab-x.com/)


هذي هي الصورة زي ما وعدتك وماعليش موب واضحة مرة بس احسن من لا شي وهذي راكبه من جوا والكشاف الأصلي حق الوكالة ب300 ريال الحبة

وحاولت ادور لك اسم الكشافات هذي بس ما لقيت مكتوب عليها شي بس اللي اتذكره ان لون الكرتون اسود واحمر وتلقاها في اغلب محلات الزينة

بس اهم شي ركب لمبات اصلية عشان تريح وعندك osram كرتونها ابيض وعليه خط برتقالي وصناعتها المانية بس تأكد تر في تقليد منها اقراء الشمعة نفسها

اووووما الواحد بـ300 :cry: شدعوه والله لو انه كشاف لكزس :mhtar:

:mhtar:وتسسسلم على الصوره والحين وضحت وان شاء الله بسويه وبدور الشمعات الي تقول

والله يجزاك خير وفيت بوعدك ونزلت الصوره وهذي من شيم المؤمنين ومن شيم الرجال لاعدمتك :7bteen: