مسابقة النصب الوطنية بالرس

[KHELAN]

السلام عليكم ورحمة الله وبركاته
اخواني اعضاء منتدى ملاك جيب
انا داري مافيه فايده من النقاشات في الموضيع هذي ولكن شي في الخاطر
ودي اقوله ( يقرقع بقلبي ) شباب الرس سوو مسابقه وطنيه بالسيارات
( اليوم الوطني ) ولكن صارت نكبه عليهم لنهم اكثرهم في الحجز واللي مادخل
الحجز اخذ مخالفه وابنقلكم صورتين من السيارات في اخر الموضوع طبعا الموضوع
انا ناقله من منتدى تطعيس ولكن سوالي هنا يعني الشباب هذولا ماسوو شي يشغل
العالم مثل اللي صار في الرياض والخبر في اليوم الوطني اللهم انه ظبط السياره وقفها
احتفالا باليوم الوطني ومسابقه في نفس الوقت ليش الحجز والبهذله والمخالفات ياخي الى
متى وحنا كذا مانسوي شي الا المرور معنا على طول ليش مايكون فيه جهه رسميه تتبنى
زي المسابقات هذي او نصب السيارت او تعديل السيارات او تحدي الرمال ياخي ملينا والله
الواحد مايسوي شي الا يحسب الف حساب قبل لايسويه انا مااطالب بالحريه الزايده عن الحد المعقول
مثل مايسوون بعض الشباب همهم الوحيد اذية خلق الله يالله انك تهديهم خصوصا في المناسبات هذي
ولكن اقول فيه شباب عندهم طاقات مهدره مخ نظيف لو تبيه يسوي لك طياره يسويها ياخي الغرب
ترى مهوب احسن منا والله حنا نسوي المستحيل لكن لاحياة لمن تنادي انااتذكر قول الشاعر
الغرب يصنع طايرات وصواريخ **** والشرق الاوسط راح نفطه بلاشي
يمكن يجي واحد يقولي عندك نادي السيارات ياخي نادي السيارات ماتدخله الا بشروط معينه وقروشة مخ
وبعدين المسابقات عندنا من سنه لسنه على مااظن انا شفت مره بالصدفه قناة على النايل سات
قناة ( قير ون ) ياخي فيها هبال فيها شي خيال خصوصا في الامارات تصدق اني انقهرت ليش ماعندنا مثلهم
انا مااقول خل الدعوى فلته كل من هب ودب يكون بتنظيم ولكن عط الشباب فرصه
انا ماودي اطول عليكم بالحكي ولكن نبي تناقش لعلنا نجد حل مقنع
( مسابقة نصب الرس الوطنية ) موضوع اعجبني وفي نفس الوقت قهرني
اليكم صورتين من النصب
طبعا اول شي السيد شيروكي
http://www.alrassxp.com/uploaded2/6091/11253770653.jpg
ثاني شي السيده كامري
http://www.alrassxp.com/uploaded2/6091/91253770653.jpg

الموضوع الاصلي على الرابط التالي
http://www.t63ys.com/vb/t119422.html

تقبلوا مني فائق التقدير والاحترام

[ابو فـهـد]

والله ياخوي شوف
اذا مجموعه ماسوت شي
فأنه فيه مجموعه ثانيه سوت مشاكل وخربت عليهم ومشكور على الصور
اما الي في الخبر كلام ثاني :unlock:

[KHELAN]

المشكله يابو فهد ماهي مشكلة التجمع الحين
المشكله المشاهدات14 والردود 2 ياحيف بس
اشكرك ابو فهد على مرورك الكريم

[W A F I]

:cry: :cry: :cry: :cry:

وش تبي اقول غير الله يرحم حالنا ,,

لامسابقات ولادعم ولاتأيد وفوق هذا كلة

منع ؟؟ لية ماادري ؟؟


شوفوا العالم مستانين والله ماجت هالمشاكل والتفحيط والخربطة

اللى من كبتهم للشباب

[طــــــــــلال]

انا لي وقفه على موضوع النصب لأني اشوف انه شي صغير مقارنة بعقول كباتنه واختراع وترهيم

هنا الإبداع

أما اني اغسل والا اغبر وانسم الكفرات واركب مع خويي !!

هذا شي مايدخل العقل

وشي لايقارن بالعقول التي كدست مجهودها في الترهيم والإبتكار الخ .... هؤلاء من من نحرص عليهم ومن يستحقون التبني والدعم بجميع انواعه

مشكور اخوي عاشق ترهيم على الطرح وانا معك لو صار هناك راعي للمسابقات والبطولات مع انها موجوده بشكل غير ملحوظ

تحياتي للجميع ،،،

[CHEROKEE 807]

ادع ربك بس فية شي اعظم :(

صراحة شفت الموضوع كامل اللي بتطعيس ..

من جد شغل وتعب على السيارات وتنظيم شبابي ( منت الله ولا منت خلقة ) :boxing: .. والجائزة الحجز ! :icon9:

اما عن نادي السيارات :showoff:
لا تعليق .. لان الكلام ما فية فااايدة ! :surrender:


لكن الصدق ان الشروكي :clap: اكيد انة خذ المركز الاول :winner_first_h4h_al

مشكور خالد ..

[شيروكي مهجول]

و الله احنا حكومتنا مغير تسحب في السيارات...
بس ربك يعين..
يا اخي خلي الناس تفرح مره وحده في السنه و المشكله في اليوم الوطني..
بس حسبي الله و نعم الوكيل...

[jeep_055]

مافية اي مقارنة بين باقي دول الخليج وبلدنا

مع ان عندنا نادي لهواة السيارات زيهم بالضبط وانا عضو بالنادي البحريني

بالبحرين والامارات يرتبون عند الحلبات او بداخلها تنظيم مرتب وطبعا قانوني حتى ماتحصل اي مشكلة

وجميع عوامل السلامة مطبقة من الطفاية الصغيرة للدكتور للعسكري ورجل الاطفاء .يعني الشرطة مشاركة بالحدث

اما هنا كلها ترتيبات شخصية

[ملهماوي (811)]

ما سوو شي طيب ليه يحجزون :ranting:

مشكور اخوي خالد على الموضوع

[ابورغد]

كل التنظيمات اللي صايره وتصير ماهي الا اجتهادات فرديه
بس صدقوني راح يجي اليوم اللي يقتنعون فيه ويجي من يتبنى رياضة التطعيس والدراق ريس ويرعى المواهب اللي عندنا
بالوفيق للجميع.

[ابو وضاح]

لا تعليق <<<<< وده يتكلم بس خايف يروح للحجز :biggrin:

[رحال سدير]

يبون يشترون بي ام سريه

[↓♥↑ S i L v E r ↓♥↑‏]

:cry: :cry: :cry: :cry:

وش تبي اقول غير الله يرحم حالنا ,,

لامسابقات ولادعم ولاتأيد وفوق هذا كلة

منع ؟؟ لية ماادري ؟؟


شوفوا العالم مستانين والله ماجت هالمشاكل والتفحيط والخربطة

اللى من كبتهم للشباب


صــح لسـآنك يـاوآفـي

:baaa2:

[alhwawy37]

هذا الحض والنصيب

[الكنج]

يا شباب لازم اي عرض يكون فيه تصريح نظامي من امارة المنطقة او جهة مخوله من الامارة او على الاقل يكون التجمع في مكان مخصص مثلا في الرياض عندكم حلبه الريم يكون فيها عرض لسيارات والناس تحظر وتتفرج على السيارات المعدله والمرهمه

اما كذا من الباب الى الطاقه هذا ممنوع ومن حق المرور حجز اي مركبات مخالفه ولا تحمل تصريح تنظيم مسابقة او يوم وطني حتي او اي احتفال لازم تصريح والا المخالفات والحجز والغرامات

كذا النظام

عموما انا والله مع الشباب اللي عملوا سيارتهم اذا ما كان فيه اي ازعاج او شكاوي حصلت في موقع التنظيم لكن لو كان فيه شكاوي انا مع المرور

انا شفت في الامارات جائزة لاحسن سيارة في اليوم الوطني والله شي خطير وسيارات مزينه بالوان خرافيه ومتعوي جدا عليها يمكن يوصل الصرف 10000 الاف ريال


هذا ما احببت اقوله تحياتي لجميع المشاركين

[bngo11]

صراحهـ اول مرهـ اشوفـ الموضوعـ :131:
يا خي و اللهـ مشكلهـ الواحـد كل ما يروحـ مكانـ يقولونـ عوايـل :ranting1:

و كل ما تحركـ ازعجوهـ :116:تقولـي مشكلهـ في النصب،

اذا واحـد في امانـ اللهـ و مغبر موترهـ و لا هـو مزعج العالمـ وش المشكلهـ :cry_1:

لا انتـ ضار العالمـ و لا ضار نفسكـ امـا اذا فيهـ ازعاجـ للعالمـ و اضرار ذاك الوقتـ تكلمـ

و غيـر كذا انهمـ ناصبين باليومـ الوطني :smilie_gruenweiss::smilie_gruenweiss:

مشكور لفتح بابـ الحوار ,,,