المساعد الشخصي الرقمي

مشاهدة النسخة كاملة : نبي الفزعة ياشباب نبي الهمه

KHELAN
10-03-2009, 08:25 AM
السلام عليكم ورحمة الله وبركاته
اخواني اعضاء منتدى ملاك جيب عندي موضوع ابي اخذ رايكم فيه ( فكره يعني ):blush-anim-cl:
حنا اللحين صار عندنا قروب صحيح ولكن القروب هذا يبي من يتبناه صح الكلام
وش رايكم لو نروح ( للمتحده ) ونخليها تبنا هذا القروب طبعا اذا تبنوه بيصير قروب رسمي
وفوق ذلك نخليها راعي رسمي للمنتدى انا على حسب ماسمعت من اخوي فيصل انه كانت هناك
محاوله من قبل بس ماادري وش صار عليها انا اللي ابي منكم نكاتف مع بعض وخصوصا الكباتن اللى معنا
في المنتدى اللي لهم صولات وجولات في المسابقات الرسميه المنظمة كلن بسمه عشان مايكون لهم عذر
في رفض الفكره وحنا اللحين مسوين لهم دعاية وهم مادرو عنا يكفي سوينا منتدى وماقصر الوافي
سوينا قروب وش يبون بعد المهم نبي همة الشباب العاليه نبي ( السيد جيب عموما ) في العالي :wavetowel2:
ياليت اللي عنده فكره او مداخله لا يبخل علينا بالنسبه لي انا حاضر ومستعد باللي تبون نكون فريق من عندنا
يكونون بالترشيح بين الاعضاء ويروحون لم المتحده ويكلمونهم
تقبلوا فائق الاحترام
wrangler 2003
10-03-2009, 09:02 AM
فكره ممتازه

بس بصراحه المتحده ما ينشد فيهم الظهر

اهم شي عندهم انهم يبيعونك الموتر بعدين يسحبون عليك

بس يمكن اذا كان العدد كبير يكون فيه شوي تفاعل

بصراحه اتمنى لو فيه راعي وخاصه لو تكون المتحده يمكن تنفعنا بشي ولا تخفيض على القطع :wheelchair:
ملهماوي (811)
10-03-2009, 12:44 PM
حياااك الله أخوي خالد قد فكرت بالموضوع لكن زين انك جبت طاريه شركة المتحده الي بالرياض مديرها امريكي من الممكن ان يروح مجموعه من الشباب و نقابله أو نوصل له رساله و اذا ما صلح مديرهم نرسل ايميل للشركه الأم في امريكا عن المنتدى و التجمعات و عن المواتر المعدله و المسابقات الي شاركو فيها و مراكزهم ...
(((و ممكن يعطونك خصم اذا جيت تشتري منهم سياره )))
طــــــــــلال
10-03-2009, 06:33 PM
أنا أشوف أننا نخاطب وكالة جيب من المركز الام يعني اللي في أمريكي ونراسلهم

وانا بحاول اراسلهم عن طريق اخوي بحكم انه بلبل في الانجليري كمهندس أراسلهم ونشوف ردهم بس ياليت تعطوني الرابط الاساسي للمركز الأساسي وانتم خلوكم على فالكم علشان لو نجحنا في المحاولات نكون ضربنا عصفورين بحجر واحد

والموضوع هذا في أذهاننا من زمان واشكرك على طرحه ياخوي عاشق ترهيم
والله ولي التوفيق ،،،
فني الشروكيات
10-03-2009, 07:31 PM
ربما لي وجهة نظر مغايرة..

لا يشك أحد أننا في بداية الطريق،، كقروب وكمنتدى،، أي شخص سوف يرى ما نحن فيه سوف يسحب علينا :drive1:

يعني ما له داعي نسوي زحمة وانا ما عندنا شي،، وهذا شي طبيعي ولا هوب يعيبنا،، كل المنتديات وكل القروبات تبدا ضعيفه وتتقوى مع الزمن بفضل الله ثم بجهود الاعضاء..

الشاهد من الكلام اننا نصبر لين يصير لنا شوكة :cry: ====== على بالي حرب :7bteen:

وبعدين اذا صار القروب كبير والمنتدى قوي ذيك الساعة ممكن نروح لاي جهة ونخش في عيونهم ونتشرط بعد..

وعندي أفكار كثيرة ومفاجئات لكن نخلي كلش في وقته وان شاء الله تشوفون اللي يسركم..

هذا مجرد رأي قد يقبل التأييد أو الرفض لكم الخيار..


والله يوفقكم حبايبي :inlove:
طــــــــــلال
10-03-2009, 08:37 PM
انا مع ابو ايوب واقنعني بكلامه

افضل اننا نصبر لين نتعدى أقل شي 500 عضو ونبدأ نخاطبهم

موفقين خير ،،،
فني الشروكيات
10-03-2009, 09:16 PM
500 عضو والله انك كفو..

اتوقع لو بغينا نقاطعهم ولا نسويهم قلق والله ان يرضخون لمطالبنا غصب :ranting:

بس الهمة الهمة

والصبر الصبر.....
طــــــــــلال
10-03-2009, 11:39 PM
الـ 500 مهيب بعيده على موقعنا

لانه وفي خلال 3 أسابيع العدد وصل 145 عضو

وبدون أي اعلان ولا غيره

هذا شي بحد ذاته إنجاز يثلج الخاطر

وان شاء الله نتعدى الــ 500 ونداهمهم :clap:

بس الهمه الهمه

موفقين جميعاًًً،،
ابو فـهـد
10-04-2009, 02:30 AM
كفو كفو :clap::clap:
معن لنرتقي الى العالميه:showoff:
CHEROKEE 807
10-04-2009, 02:19 PM
وانا معكم :winner_first_h4h_al
شيروكي مهجول
10-05-2009, 04:36 AM
يا هلا بالافكار العبقريه ...
و الله فكره رووووووعه..
سلمت يا العبقري<<<:7bteen::7bteen:
شرواك
10-07-2009, 02:52 PM
:drive1::drive1::drive1::drive1::7bteen::7bteen:
الى الامام وانا معاكم
ابورغد
10-13-2009, 01:04 PM
والله إنها فكره ممتازه
بس خلونا نتفق بأقرب تجمع في الرياض إن شاء الله وننسق بيننا
ويعطيكم العافيه ,,