ابي رايكم في الشروكي

[سلطان]

السلام عليكم
توني شاري من يومين شروكي 98 باب واحد
واغلب الشباب كل من شافه يقولي خرابات وقطع غياره ماتحصلها
ويقولون انه مايظمن في الكشتات البعيده لأنه يطفى من نفسه ماتدري وشفيه
والله انهم ضيقو صدري على شريت الموتر
وابي رايكم

[نــــاصــــر]

وعليكمـ السلامـ ...

الله يعطيكـ خيرهـ ويكفيكـ شرهـ ... :7bteen:

أخوي طبيعي إي سيارهـ ماراح تحافظ عـ صيانتها راح تخرب عليكـ شروكي ولا غيرهـ ...

وأللي يقولكـ ماينضمن فـ الرحلات الطويله قله ( من أللي سألكـ ) ... :unlock:

ولا يضيق صدركـ ولا شي ...

ولا فيه شي ينضمن فـ هالدنيا ...

ولكن إذا إنت تبي تخلي موتركـ على أستعداد لـ الرحلات الطويل دائمآ ...

حافظ على تغير الزيوت بـ أنتظامـ ...

كل 5000 كمـ حاول تسويله تشييكـ وصيانه كاملة وحاول إنكـ ماتحط قطع تجارية ...

وقطع الغيار عندكـ الصناعة القديمة مليانة محلات قطع غيار لـ jeep غير المتحدهـ ... :7bteen:

وإذا بتسمع كلامـ الناس ماراح تشتري موتر ...

[W A F I]

هلا وغلا ,,

اول شي تذكر انة

لاجيب الا jeep هذي العبارة تكفيك ,,


شف ياطويل العمر والسلامة ,, مازيد على كلام اخوي ناصر شي

الشيروكي ان صنته صانك ,, يعني اهتم فية ويطربك

وسو لة تشييك وزي كذا ولو تبي تروح بة لاخر الدنيا ماعندك مشاكل ,,

والله يوفقك في الموتر ويطعمك من خيرة ويكفيك شرة اللهم امييييييييييييين

[Jeeper]

عشان تظمن انه ما يطفي عليك داخل نفود ولا غيره غير الحساسات المهمه اللي لها علاقه مباشره مع كمبيوتر السياره. بعدين افحص ظفيرة السياره يعني شوف تمديدات الاسلاك داخل كبوت السياره لا يكون فيها التماس و لا شي و بعدين عندك علبة الفيوزات تاكد منها.

[حر ولد حر]

و عليكم السلام و رحمة الله و بركاتة

الله يعطيك خيره و يكفيك شره

لا تسمع من احد اي شيء

و اكثر اللي يتكلمون عنه و يسبونه ماقد جربوه

الشروكي في الخطوط الطويلة و في المكاشيت البعيده خذ ولد و يبيض الوجه

و ما اقول هذا الكلام الا من واقع تجربة

لا كن حافظ عليه مثل ما قالو الشباب و ان شاء الله ما راح تشفوف منه الا كل خير

[سلطان]

الله يجزاكم خير جمعاً

كلامكم مطمن هذي جيتي من الخراره
مشاالله والله موتر في النفود :7bteen: عجبني الموتر صراحه
ومثل ماقلتو لاجيب الاجيب

التشييكات هذي وين اسويها فيه ابي ورشه متخصصه في الشروكي ما ابي احد يلعب فيه
مثل الظفيره والفيوزات

[دح ديح]

شف ونا اخوك
انا يوم شريت شروكي كل الي اعرفهم قالو ليه شريته حراره و خرابات بعه و اشترلك اف جي ولا باترول ربع مستعمل بس ساحب عليهم عندي الشايب الله يحفظه يقدر شي اسمه شروكي من عشاق الشروكي وشرا شروكي من 91 الا الحين معه و اقوله بعه يقول ياوليدي الموتر ذا مسجل بكرت العائله معك :baaa2:
و ماشاء الله درنا فيه المملكه ولا عندك مشاكل
بس انكانك تعرف لخرباته و القطع الي دايم تخرب و الورشه البطله الي يصلحلك الموتر من دون ما يلعبلك فيه راح تفلها و ترتاح
لان الورش اكثرها او كلها ما يعرفون بالشروكي شيء لانه كله حساسات و و انواع القطع الاكترونيه الي فيه
و الورش الي تشتغل بالشروكي شغل مظبوط معدوده بالأصابع
و نصيحه من الحين ورشه المطيويع لا تقربلها صح عندهم الكمبيوتر الي يشيكلك الموتر مثل الي بالوكاله بس الله يعينك على الخرابات الي بيسوونها بالموتر و القطع الي تشتريها يزرفونها ولا يركبونها لك ما تكلمت الكلام ذا الا من تجربه لموترين شروكيات
والله يوفقك بالموتر

[سلطان]

صدقت يادح ديح انا مثلك يوم شريته كلن قالي ليه شريته بس يوم طلعتبه امس والله عجبني

انا ودي اشيك عليه وش تنصحون الورش الكويسه له
الله يبيض وجيهكم والله ردودكم ثلجت صدري

[رحال سدير]

يارجال الناس ماترحم انا يوم اشتريه قالوا افتح صناعيه جمب بيتكم لكن الحمد لله الموتر مطربني

[OIIIIIIIO]

مبروك عليك الموتر

واختيار موفق لمن اخذت الشروكي وما عليك من كلام الناس << 80 % ما عمرهم ركب موتر عليه علامه Jeep بس تشويه سمعه ولا اكثر :compress:

اهم شي شيك عليه بين فتره وفتره وطبعا عليك بقطع موبار يعني خلك في الاصلي بس :7bteen:

والله يعطيك خيره ويكفيك شره

وبالتوفيق :cool:

[دحروووش ارن 8185]

الله يعطيك خيره ويكفيك شره
وهرج الناس لا يودي ولايجيب واللي يقول الشروكي خربات ويسب فيه
قله اللي مايعرف قدر الجيب مايقدره

[سلطان]

امس رحت وغيرت فحمات وقماشات وصوفة دفرنس كانت تهرب والحمدالله كل شي تمام
بس ماودي اكشف على كهربت السياره الا عند واحد فاهم

[MrJeep100]

اصلا احسن جيب لطلعات والكشتات الشرووووووووكي ومالك غيرة


وصفك منهم ... بعدين كيف يطفى من نفسة !!!:bomb: اكيد انه فيه خراب الا الشروكي مايطفى الوحدة ابد

وحتى اي سيارة ماتطفى من الوحدها الا اذا كانت خربانه


وشكرا.

[سلطان]

صدقت يامستر جيب السياره ماتطفى من نفسها الامن خراب


بس ابي اعرف ليه سمعت الشروكي كذا

[ابو وضاح]

السلام عليكم عزيزي اذا كنت تبي فحص اول شي رح للبريدي وصلح له فحص كامل يعني فحص جير مكينه بدي دفرنسات كمبيوتر كل شي بالموتر يطلعه لك وبعدين بيعلمك وش الخرابات اللي فيه طبعا يفحصه لك 350 ريال فحص كامل والف الف مبروك على الموتر والله يعطيك خيره ويكفيك شره والشروكي موتر بس لازم تعتني فيه بأستمرار تقبل مروري تحياتي لك وللاخوان اللي شاركو في هذ1 الموضوع :7bteen:

[سلطان]

الله يبارك فيك
الحمدالله كل شي تمام في السياره:clap:

[ملهماوي (811)]

مبروك على الموتر و الله يعيك خيره و يكفيك شره

ما أزود على كلام الأخوان أهم شي الصيانه و بعدين قطع غيار الشروكي أسعارها عاديه مثل الياباني و تراه موتر يطربك بالديره و النفود وأهم شي لايهمك كلام الناس :clap:

[سلطان]

الله يبارك فيك يـ مهلماوي (811)

كلام الناس لا بيئدم ولا يئخر

[alhwawy37]

لا يهمك اخوي
اذا موترك نضيف والله مايرده الا حدود الكويت

[سلطان]

حياك يالهاواوي
الحمدالله الحين له معي اكثر من شهر ولله الحمد تمام
اشكر جميع من شارك

[عبدالله]

الله يعطيك خيرره ويكفيك شرره

[سلطان]

8
88
8888
امين
الله يجزاك خير

[King Yasser]

ماشاء الله تبارك الله

والصراحة الواحد صار يخاف ياخذ جيب رانجلر ولا شروكي بسبب الكلام اللي يقولونه الناس عن الحرارة - الدبل ... إلخ )))

الله يرزقك خيرهـ ويكفيك شرهـ

[سلطان]

كينق ياسر

امين الله يجزاك خير

صحيح اني واجهت بعض الخرابات بس انا ماتحسفت اني شاريها لأنه صراحه مطربني

بس يبيله واحد يشتغل بيده

[ابورغد]

يارجال خل عنك العذال
إذا موترك نظيف بيوصلك كل مكان داخل وخارج المملكه وحتى الربع الخالي
بس اهم شي الصيانه وماتصلح شي الا عند ورشه مخصصه للشيروكي ويكونون ناس ثقات
والله يطعمك خيره ويكفيك شره .

[سلطان]

ابو رغد
امين الله يجزاك خير
صحيح صدقت
واشكر جميع من شارك في الموضوع

[ابوعبدالرحمن]

:baaa2:
:7bteen:

[ابورغد]

عذال الشيروكي وااااجد
أنا قالو لي ليش شريته خرابات وحراره
والحمد لله اكثر من سنه وأعطال عاديه جداً .

[jeep 2006]

سبق واشتريت جيب شروكي موديل 2001 سبورت قير اوتو ماشاءالله تبارك الله ماشتكينا منه بشي

والان اقود الرانجلر من 2006 وبرضو ماشتكيت من شي ولله الحمد


الناس هذه حسوديه ماتبي احد يركب موتر اطلق من مواترهم التقليديه :unlock:

[((أبورشيد))]

لاااااااااحد يهمك ...........:pirate2:


غيررررررررررررر ((((( الشروكي)))))) لاتدور<<<<<<<<:mutm:


تحياتي/أبورشيد..